真名都唔知，仲話我只在乎你？
喂呀，點呀？呢張咁無謂嘅唱片如果我唔介紹，唔好話香港吖，日本以外全世界都應該唔會有人提。衰在又冇黃紙仔喺身邊，點好呀？唔理嘞，就咁打堆字博吓懵啦。講緊嘅唔係David Sylvian同Twinkle3合作嘅新大碟《Upon This Fleeting Dream 》，亦唔係Nils Frahm玩Ambient嘅《Music For Animals 》，係一張你未必睇得起，但我理得你死嘅口水歌唱片。
Ms. OOJA
流しのOOJA 2 ～VINTAGE SONG COVERS
現年近40歲嘅呢位八十後㗎妹自稱Ms. OOJA，本名不傳，出身近畿三重県草根階層，身為長女要養家供弟妹讀書，中學畢業即投身百貨公司做售貨員。她沒過人樣貌身裁，也沒發夢機會，但始終無法忘記愛唱歌這個非份之想，遂用藝名暗地在工餘設法找機會去唱，唱的盡是別人的歌。終然，她以29歲「高齡」推出處女大碟，沒資金沒大師曲詞沒宣傳，但在「N無」情況下藉八千張實際銷量進身主流樂壇。
Ms. OOJA的聲音簡樸悅耳，不賣弄巨肺長氣拉音海豚聲等種種鬼五馬六技巧，亦沒沾1990年代後日系Diva必備的R&B妖氣。
她剛剛推出第二張翻唱歌曲專集《流しのOOJA 2～VINTAGE SONG COVERS 》的選曲，包含了上世紀七八十年代你我她都耳熟能詳多首曾經紅透的改編金曲：《初戀、貪貪貪、六月天、誰令你心痴、忘不了你⋯⋯ 》。其他有中森明菜《眼淚不是裝飾品 》，又竟會有鄧麗君《我只在乎你》日文版。這唱片令人陷入回憶，想起音樂旋律原來是這樣的，也可能令你想起香港曾經光輝過而遭俞老琤一手催毀的外國流行曲＼改編歌市場⋯⋯
說回Ms. OOJA這唱片，唱腔音𩐳統一，有個人風格卻又能夠忠於原著，編曲、樂器演奏和音色水準也「正路」平實得沒話說。
全張唱片一Q過醒你，淨睇日文睇吓知唔知邊首識邊首唔識？
以下有幾個現場演唱會錄音MV你睇。中女？大鼻？冇波？老餅？風塵味？啲衫土？係㗎，So？仲有冇？呢啲嘢睇怕佢全部聽到慣，傷佢唔到，毋庸嘥氣。死唔斷氣，仲有仲有，我從來有Bonus，以下連結當中有一個超級驚喜，留返你哋自己發掘。後會有期，保重。
