Arcade Fire才女夢驚魂 憑碎屑重啟人生
之前先喺度推介過Arcade Fire小提琴手Sarah Neufeld 主導嘅室樂團Bell Orchestre 新大碟《House Music》，點知眨吓眼佢再有個人唱片推出，而呢張碟入面記載咗佢人生最最最曲折但重要嘅兩年，據佢所講真係一字一啼血。話說大小姐本身從來天才橫溢，除咗最耍家嘅小提琴之外，乜樂器都曉兼技藝高強橫跨古典流行界，長年埋首自己音樂事業，其他一切懶理。喺臨近40歲前，某一件事全方位否定晒佢嘅既有價值觀。結果，同長期伴侶分手、開展另一段感情兼仲初為人母一Take過，加上疫情將一切打亂倍大。佢希望透過呢張名為《碎屑》嘅唱片紀念呢一段被迫剝離晒前半生所有嘢，單憑僅餘灰燼細屑重新啟航嘅日子，亦都希望藉此為全世界同樣陷於唔同程度苦惱嘅人提供可以療傷嘅心靈配樂。
Sarah Neufeld Detritus 睇咗大碟主打Single歌《With Love And Blindness》個MV先：
要療傷嘛，知你/妳梗唔夠喉啦，全張碟一次過聽晒
爵士廠牌60載經典設計是如何練成？
Various Artists
Impulse Records： Music Message And The Moment
美國爵士樂廠牌Impulse除咗喺Free Jazz方面震撼樂迷心靈，美術設計上面由Logo、Fonts、用色以至Slogan同相片裁放出血位，一直呈現出堅持同執着嘅美學。今次推出60周年紀念版唱片，我哋唔講音樂住，Box Set講真係符預期地靚。除咗外盒Die Cut雕通花之外，4LP沿用Impulse例牌「令立立」雙封套，玩番黑橙白三色設計，又有專文書仔，仲加有張「i !」Logo唱片墊。淨係睇呢啲嘢都真係飽，唔信睇片：
講完Design，我哋講番音樂，唱片入面包括Coltrane兩公婆、Mingus、Quincy Jones 、AHMAD JAMAL又或Charlie Haden等等等等，齊晒。全長25首，大家慢用：
坐喺Eero Aarnio張Ball Chair入面 想聽乜？
CRIMA
The Ball Chair Experience
德國作曲家CRIMA第一張個人大碟，一個人彈晒所有樂器，用歐式Chill Out 加Vintage Syn Sound向波波櫈致敬。唔講你或者唔知，阿芬蘭設計師喺1960年代創作呢張經典Designer Chair時，都係自己一個人喺屋企搞，由畫圖至倒模製作，頂多叫老婆幫手度吓位。家陣全世界被迫玩隔離，如果再有幸坐喺呢張破稱為Room Within A Room嘅櫈入面聽呢張碟，你都咪話唔嘆！
好嘞，雖然你冇Ball Chair，但全張碟九首歌一次過畀你聽晒：
想訂番張波波櫈嘆吓？得吖。Eero Aarnio正式授權正品，大約五萬七蚊港紙，有冇相宜啲嘅選擇，少一個零好未？
https://filmandfurniture.com/product/ball-chair-eero-aarino-vintage/
https://www.sofasale.com.hk/eero-aarnio-ball-chair-seating
俄國蓋世魔僧有何長處令世人念念不忘？
Boney M.
Rasputin- Lover Of The Russian Queen
德國的士高班霸「骨感M」樂團經典金曲 – 《Rasputin》41年前由家陣仲做緊電影監製嘅徐小明改編為《青春豆》，首歌搞嘢程度至今聽番仍然照班。以下我哋睇吓原裝版本，首歌個古仔非常巴閉，一陣講。
今次講呢張Boney M. Mixtape精選，未有實體唱片推出，又即管順便介紹個網站畀大家，雖然佢老套又唔高科技，竟然一直有生意做兼有增長？！個網站好簡單，就係由你喺佢平台上面揀歌，佢幫你燒成CD，用你Send嘅相做埋碟面圖案同CD封面，寄番畀你嚟送畀人做紀念。你揀好嘅歌亦會編成Playlist，可以喺手機或者電腦聽。就係咁，吹漲未？
https://shop.playanywhere.com/cd/Rasputin_Lover_Of_The_Russian_Queen/RockPop_BoneyM
講番Grigori Rasputin本尊 ，一個窮鬼耕田仔如何變成神僧而最終「入主」皇室權傾朝野，坐擁無限信眾金錢，享盡荒淫無道奢華生活？最終雖然被殺但竟又連番復活。有冇咁奇？自己睇：
https://zh.m.wikipedia.org/wiki/格里戈里·叶菲莫维奇·拉斯普京
點解呢位拉斯普京咁巴閉，從來唔沖涼污糟邋遢周身臭，但係甘願獻身嘅女信眾數以百計？想要解開謎底，睇睇下面呢條連結。魔僧被殺後某樣嘢被妥善保存公開展覽。喂，靜止狀態30公分，唔使講嘢啦吓話！
Penis on show at Russian Sex Museum A collection of wacky exhibits at Stock Photo – Alamy
黐孖筋！堅寫卅年財經教人理財，掌聲反而唔及匿喺信和中心偷寫十年黃紙仔推介古怪音樂電影導人升仙。其實都明嘅，成世人個劇本唔到你話事，但配樂都叫做有得你揀嘛。
