深水埗「年宵」 字字句句寫到心坎裏【文化者.展訊】

〈心地好〉提供圖片

2020年維園年宵尋日開鑼,一個年宵冇乾貨賣嘅日子出現,我身邊唔少人都冇諗住去(又或者其實有乾貨都冇諗過要去),但係星期日忙完又想放鬆吓個心情,或者今年可以係深水埗行完「年宵」放鬆吓先食飯。

展覽打住「取代年宵的好去處」嘅旗號,又有瓊姐、麥㬢茵等人出金句撐場,聽落好似娛樂版,但係佢地「賣字」,咦,一秒變文藝,好吊詭。

呢個「年宵」我想去,但我又未得閒去。話哂麥㬢茵嗰句「放棄才是最大代價」好到肉,見到「莫生氣」簡直係香港「社畜恩物」,不過呢個時代我都真係唔知文字仲係唔係有價。

展覽由賣字同 Dustykid 合作,以「心地好」一詞做重心,探問香港風雨飄搖的半年時間之後:「這裏的人還心地好嗎?」前後分「造善」同「天善」兩部分,即係以人本身嘅心地好同天地之仁貫穿展覽。 現場可以睇到唔同人講過嘅一句關於心地好嘅說話變成書法,亦會睇到嚟自香港木庫因為颱風「山竹」打空變打橫嘅樹變成一張「宣紙」。

唔,最後都要支持下香港人啦,心地一向都好好嘅。

〈心地好〉展覽
日期:即日起至1月24日
時間:12:30 – 20:30
地點:深水埗大南街 202 號 Parallel Space

撰文:余日一

留言