2020年維園年宵尋日開鑼，一個年宵冇乾貨賣嘅日子出現，我身邊唔少人都冇諗住去（又或者其實有乾貨都冇諗過要去），但係星期日忙完又想放鬆吓個心情，或者今年可以係深水埗行完「年宵」放鬆吓先食飯。
展覽打住「取代年宵的好去處」嘅旗號，又有瓊姐、麥㬢茵等人出金句撐場，聽落好似娛樂版，但係佢地「賣字」，咦，一秒變文藝，好吊詭。
呢個「年宵」我想去，但我又未得閒去。話哂麥㬢茵嗰句「放棄才是最大代價」好到肉，見到「莫生氣」簡直係香港「社畜恩物」，不過呢個時代我都真係唔知文字仲係唔係有價。
賣字facebook 圖片 
賣字facebook 圖片
展覽由賣字同 Dustykid 合作，以「心地好」一詞做重心，探問香港風雨飄搖的半年時間之後：「這裏的人還心地好嗎？」前後分「造善」同「天善」兩部分，即係以人本身嘅心地好同天地之仁貫穿展覽。 現場可以睇到唔同人講過嘅一句關於心地好嘅說話變成書法，亦會睇到嚟自香港木庫因為颱風「山竹」打空變打橫嘅樹變成一張「宣紙」。
〈心地好〉提供圖片 
〈心地好〉提供圖片
唔，最後都要支持下香港人啦，心地一向都好好嘅。
〈心地好〉展覽
日期：即日起至1月24日
時間：12:30 – 20:30
地點：深水埗大南街 202 號 Parallel Space
撰文：余日一